ప్రపంచంలోనే అత్యంత పొడవైన సముద్ర వంతెనను చైనా అధ్యక్షుడు జిన్ పింగ్ ఈరోజు ప్రారంభించారు. రేపటినుండి నుంచి ఈ వంతెనను అధికారికంగా ప్రజలకు అంకితం చేస్తారు.
సముద్ర బ్రిడ్జ్ యొక్క ప్రత్యేకతలు :
- ఈ బ్రిడ్జ్ మొత్తం పొడవు 55 కిలోమీటర్లు.
- భూకంపాలు, తుపాన్లను తట్టుకునే విధంగా నిర్మించిన ఈ వంతెన కోసం 4 లక్షల టన్నుల ఉక్కును ఉపయోగించారు. ఈ మొత్తం ఉక్కుతో 60 ఐఫిల్ టవర్లను కట్టవచ్చు.
- ఈ వంతెన నిర్మాణానికి 2,000 కోట్ల డాలర్లు (దాదాపు 1,40,000 కోట్ల రూపాయలు) ఖర్చయింది.
- రోడ్డు బ్రిడ్జ్ తో పాటు నీటిలో సొరంగం ద్వారా నిర్మితమైన ఈ బ్రిడ్జ్ ఇస్తూరీ నదిని దాటుతూ హాంకాంగ్ లాంతావ్ ద్వీపం, జుహాయ్, మకావూలను కలుపుతుంది.
- ఈ అద్భుత నిర్మాణానికి తొమ్మిదేళ్ళు పట్టింది ( 15 December 2009 లో పని మొదలు ).
ఈ వంతెన కట్టడంపై ఆ ప్రాంతీయుల అభిప్రాయం :
- ఈ ప్రాజెక్టు మీద విమర్శలు కూడా తీవ్రంగానే వినిపిస్తున్నాయి.
- ఇదొక 'మృత్యు వంతెన' అని కొన్ని స్థానిక పత్రికలు అభివర్ణించాయి. హాంకాంగ్ వైపు నుంచి కనీసం తొమ్మిది మంది, చైనా వైపు నుంచి మరో తొమ్మిది కార్మికులు చనిపోయారని అధికారులు వెల్లడించారు.
- పర్యావరణానికి కూడా ఈ నిర్మాణం హాని చేస్తుందనే ఆరోపణలున్నాయి.ఈ నిర్మాణం ఇప్పటికే సముద్ర జీవరాశికి ఎంతో హాని చేసిందని, ముఖ్యంగా అత్యంత అరుదైన తెల్ల డాల్ఫిన్‌లకు తీరని నష్టం కలిగించిందని పర్యావరణ పరిరక్షణ సంస్థలు ఆరోపిస్తున్నాయి.
- హాంకాంగ్ లో తన బలగాలను మోహరించేందుకు చైనా ఈ బ్రిడ్జ్ ను నిర్మించిందని పలువురు అభిప్రాయపడుతున్నారు.
- ఇదిలావుండగా బ్రిడ్జ్ నిర్మాణంతో రవాణా, వాణిజ్య కార్యాకలాపాలు అనుకూలంగా ఉంటాయని పలువురు సమర్థిస్తున్నారు.
కామెంట్‌లు లేవు:
కామెంట్‌ను పోస్ట్ చేయండి